main tere sath teri chaal chal na jaun kahin

maiñ tere saath tirī chaal chal na jā.ūñ kahīñ

tirī nigāh kī sūrat badal na jā.ūñ kahīñ

tirī hayāt mirī maut hī sahī lekin

maiñ raushnī huuñ añdhere nigal na jā.ūñ kahīñ

mire badan meñ sulagne lagā hai terā badan

maiñ tere qurb ke sho'loñ meñ jal na jā.ūñ kahīñ

hisār-e-'ishq se bāhar bhī log baste haiñ

tirī girift se maiñ bhī nikal na jā.ūñ kahīñ

kisī ko maiñ ne nazar se girā diyā hai magar

farāz-e-koh se maiñ bhī phisal na jā.ūñ kahīñ

ye kaun merī jaḌeñ kāTne kī fikr meñ hai

kise ye Dar hai ki maiñ phūl-phal na jā.ūñ kahīñ

dahak uThā hai mire dil meñ dard kā sūraj

'najīb' hiddat-e-ġham se pighal na jā.ūñ kahīñ

main tere sath teri chaal chal na jaun kahin

teri nigah ki surat badal na jaun kahin

teri hayat meri maut hi sahi lekin

main raushni hun andhere nigal na jaun kahin

mere badan mein sulagne laga hai tera badan

main tere qurb ke sho'lon mein jal na jaun kahin

hisar-e-'ishq se bahar bhi log baste hain

teri girift se main bhi nikal na jaun kahin

kisi ko main ne nazar se gira diya hai magar

faraaz-e-koh se main bhi phisal na jaun kahin

ye kaun meri jaDen kaTne ki fikr mein hai

kise ye Dar hai ki main phul-phal na jaun kahin

dahak uTha hai mere dil mein dard ka suraj

'najib' hiddat-e-gham se pighal na jaun kahin