kul-kaenat humne utari hai qabr mein
kul-kā.enāt ham ne utārī hai qabr meñ
us kā badan hai jaan hamārī hai qabr meñ
ik maut par khule haiñ zamāne ke saare raaz
thoḌī sī der ham ne guzārī hai qabr meñ
zam hote jā rahe haiñ lahad meñ zarā zarā
aisī koī hamārī dulārī hai qabr meñ
maañ bhī nahīñ hai phir bhī du'ā.eñ haiñ mere saath
yā'nī koī to silsila jaarī hai qabr meñ
kyā chand roz hī haiñ mulāqāt ke liye
kyā us ke baa'd zindagī saarī hai qabr meñ
tum ek din to aa ke mire paas baiThnā
'hāris' bas ek raat hī bhārī hai qabr meñ
kul-kaenat hum ne utari hai qabr mein
us ka badan hai jaan hamari hai qabr mein
ek maut par khule hain zamane ke sare raaz
thoDi si der hum ne guzari hai qabr mein
zam hote ja rahe hain lahad mein zara zara
aisi koi hamari dulari hai qabr mein
man bhi nahin hai phir bhi du'aen hain mere sath
ya'ni koi to silsila jari hai qabr mein
kya chand roz hi hain mulaqat ke liye
kya us ke ba'd zindagi sari hai qabr mein
tum ek din to aa ke mere pas baiThna
'haaris' bas ek raat hi bhaari hai qabr mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
