hanste hue lamhat ka dil Dub raha hai
hañste hue lamhāt kā dil Duub rahā hai
ye silsila jaise mire pahlū se chalā hai
jaanā hai mujhe bhī usī manzil pe zamāne
lekin mirā rasta tire raste se judā hai
raftār meñ aisī bhī kahāñ sust-ravī thī
pīchhe thā jo mīloñ vo mujhe aan milā hai
barsā na kisī samt se khul kar koī bādal
ik habs sā mausam meñ ba-dastūr jo thā hai
jaanā to thā auroñ kī tarah us ko bhī ik roz
is baat kā ġham hai ki vo be-vaqt gayā hai
kuchh der huī raushnī lekin kise mā'lūm
TuuTā thā jo taarā vo kahāñ jā ke girā hai
hanste hue lamhat ka dil Dub raha hai
ye silsila jaise mere pahlu se chala hai
jaana hai mujhe bhi usi manzil pe zamane
lekin mera rasta tere raste se juda hai
raftar mein aisi bhi kahan sust-rawi thi
pichhe tha jo milon wo mujhe aan mila hai
barsa na kisi samt se khul kar koi baadal
ek habs sa mausam mein ba-dastur jo tha hai
jaana to tha auron ki tarah us ko bhi ek roz
is baat ka gham hai ki wo be-waqt gaya hai
kuchh der hui raushni lekin kise ma'lum
TuTa tha jo tara wo kahan ja ke gira hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
