bad-tar hain is jahan mein behtar chale gae

bad-tar haiñ is jahān meñ behtar chale ga.e

nīche ga.e zamīn ke uupar chale ga.e

tum aa.e merī ziist meñ mehmān kī tarah

aur dukh ko merī jeb meñ rakh kar chale ga.e

dariyā nahīñ hai aag kā daldal hai 'ishq so

tairāk jitne aa.e sab andar chale ga.e

maañ baap ro rahe haiñ ki beTī chalī ga.ī

aur bhaa.ī ro rahe haiñ ki zevar chale ga.e

qadmoñ ko un ke chūmne aatā furāt par

banñe ko ik nazīr bahattar chale ga.e

dohrā rahā huuñ matla' ġhazal kā maiñ ab talak

sab sunñe vaale sun ke mujhe ghar chale ga.e

bad-tar hain is jahan mein behtar chale gae

niche gae zamin ke upar chale gae

tum aae meri zist mein mehman ki tarah

aur dukh ko meri jeb mein rakh kar chale gae

dariya nahin hai aag ka daldal hai 'ishq so

tairak jitne aae sab andar chale gae

man bap ro rahe hain ki beTi chali gai

aur bhai ro rahe hain ki zewar chale gae

qadmon ko un ke chumne aata furaat par

banne ko ek nazir bahattar chale gae

dohra raha hun matla' ghazal ka main ab talak

sab sunne wale sun ke mujhe ghar chale gae