warna kya aab-o-hawa chiz hai kaisa mausam

varna kyā āb-o-havā chiiz hai kaisā mausam

tere aane se huā shahr meñ achchhā mausam

ye mah-o-mehr izāfī haiñ tire sar kī qasam

vaqt batlātī haiñ āñkheñ tirī chehrā mausam

dhuup meñ chhāñv kahīñ mauj meñ tūfān kahīñ

jaisā ai dost tirā muuD hai vaisā mausam

rañg-o-bū rakhte haiñ sab phuul phal apnī apnī

chashm-o-abrū se alag āriz-o-lab kā mausam

is qadar husn achānak mirā dil toḌ na de

ek to pyārā hai tū is pe ye pyārā mausam

na vabā ke koī din raat na tanhā.ī ke saal

tere aate hī badal jaatā hai saarā mausam

warna kya aab-o-hawa chiz hai kaisa mausam

tere aane se hua shahr mein achchha mausam

ye mah-o-mehr izafi hain tere sar ki qasam

waqt batlati hain aankhen teri chehra mausam

dhup mein chhanw kahin mauj mein tufan kahin

jaisa ai dost tera muD hai waisa mausam

rang-o-bu rakhte hain sab phul phal apni apni

chashm-o-abru se alag aariz-o-lab ka mausam

is qadar husn achanak mera dil toD na de

ek to pyara hai tu is pe ye pyara mausam

na waba ke koi din raat na tanhai ke sal

tere aate hi badal jata hai sara mausam