Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mata-e-zist ka mehwar na qaid ho jae

Azhar Nawaz

mata-e-zist ka mehwar na qaid ho jae

Azhar Nawaz

MORE BYAzhar Nawaz

    matā'-e-zīst kā mehvar na qaid ho jaa.e

    hatheliyoñ meñ muqaddar na qaid ho jaa.e

    maiñ ab kī baar bahut khul ke ro nahīñ paayā

    ye sāniha mire andar na qaid ho jaa.e

    qafas se nikle parinde kī le to luuñ tasvīr

    magar rihā.ī kā manzar na qaid ho jaa.e

    abhī to ḳhushk zamīnoñ pe log qābiz haiñ

    phir is ke baa'd samundar na qaid ho jaa.e

    vahī dhuāñ jo ugalte haiñ ghar ke sab afrād

    usī dhueñ meñ mirā ghar na qaid ho jaa.e

    barash uThā.e hue soch meñ huuñ gum 'az.har'

    tire ḳhayāl kā paikar na qaid ho jaa.e

    mata'-e-zist ka mehwar na qaid ho jae

    hatheliyon mein muqaddar na qaid ho jae

    main ab ki bar bahut khul ke ro nahin paya

    ye saniha mere andar na qaid ho jae

    qafas se nikle parinde ki le to lun taswir

    magar rihai ka manzar na qaid ho jae

    abhi to KHushk zaminon pe log qabiz hain

    phir is ke ba'd samundar na qaid ho jae

    wahi dhuan jo ugalte hain ghar ke sab afrad

    usi dhuen mein mera ghar na qaid ho jae

    barash uThae hue soch mein hun gum 'azhar'

    tere KHayal ka paikar na qaid ho jae

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now