simaT ke ishq mein yaksar dhamal Dalta hai

simaT ke 'ishq meñ yaksar dhamāl Dāltā hai

faqīr jaañ se guzar kar dhamāl Dāltā hai

badan ke taar sadā mauj meñ nahīñ hote

kabhī-kabhār qalandar dhamāl Dāltā hai

yahī vo dar hai jahāñ zaat bhuul jaatī hai

yahīñ pe adnā-o-bartar dhamāl Dāltā hai

use hai izn so us kā kamāl mat pūchho

vo ik ishāre pe far-far dhamāl Dāltā hai

agar vo aa.e to sāhil pe paaoñ chhūne ko

tamām raat samundar dhamāl Dāltā hai

vo mahv aisā hai mastī meñ aur hastī meñ

ki sab ke sāmne aa kar dhamāl Dāltā hai

'razā' ko mast hasan aap ne banāyā hai

isī liye to ye naukar dhamāl Dāltā hai

simaT ke 'ishq mein yaksar dhamal Dalta hai

faqir jaan se guzar kar dhamal Dalta hai

badan ke tar sada mauj mein nahin hote

kabhi-kabhaar qalandar dhamal Dalta hai

yahi wo dar hai jahan zat bhul jati hai

yahin pe adna-o-bartar dhamal Dalta hai

use hai izn so us ka kamal mat puchho

wo ek ishaare pe far-far dhamal Dalta hai

agar wo aae to sahil pe paon chhune ko

tamam raat samundar dhamal Dalta hai

wo mahw aisa hai masti mein aur hasti mein

ki sab ke samne aa kar dhamal Dalta hai

'raza' ko mast hasan aap ne banaya hai

isi liye to ye naukar dhamal Dalta hai