mast malang tawangar sain

mast malang tavangar sā.īñ

kis ne kiye haiñ be-ghar sā.īñ

manzar to be-ant ḳhalā hai

par kyā hai pas-manzar sā.īñ

vo bāhar aa.e to pūchhūñ

kyā rakkhā hai andar sā.īñ

mere des kī baat nirālī

mere des ke patthar sā.īñ

kaise kaise log banā.e

kaise ho kārīgar sā.īñ

jīvan kī tamsīl se bāhar

maiñ aur aap barābar sā.īñ

maiñ 'qāsim' huuñ aur pyāsā bhī

merā mashkīza bhar sā.īñ

mast malang tawangar sain

kis ne kiye hain be-ghar sain

manzar to be-ant KHala hai

par kya hai pas-manzar sain

wo bahar aae to puchhun

kya rakkha hai andar sain

mere des ki baat nirali

mere des ke patthar sain

kaise kaise log banae

kaise ho karigar sain

jiwan ki tamsil se bahar

main aur aap barabar sain

main 'qasim' hun aur pyasa bhi

mera mashkiza bhar sain