jhiDki to muddaton se musawat ho gai
jhiḌkī to muddatoñ se musāvāt ho ga.ī
gaalī kabhū na dī thī so ab baat ho ga.ī
mastī se us nigāh kī le mohtasib ḳhabar
duniyā tamām bazm-e-ḳharābāt ho ga.ī
milnā tirā har ek se maiñ kyā karūñ bayāñ
'ālam se mujh ko tark-e-mulāqāt ho ga.ī
yaaro vo sharm se jo na bolā to kyā huā
nazroñ meñ sau tarah kī hikāyāt ho ga.ī
'saudā' kisī ko vo to satāve na be-sabab
kyā jāniye ki tujh se hī kyā baat ho ga.ī
jhiDki to muddaton se musawat ho gai
gali kabhu na di thi so ab baat ho gai
masti se us nigah ki le mohtasib KHabar
duniya tamam bazm-e-KHarabaat ho gai
milna tera har ek se main kya karun bayan
'alam se mujh ko tark-e-mulaqat ho gai
yaro wo sharm se jo na bola to kya hua
nazron mein sau tarah ki hikayat ho gai
'sauda' kisi ko wo to satawe na be-sabab
kya jaaniye ki tujh se hi kya baat ho gai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
