us ka charcha masjid-o-minar ke andar bhi hai
us kā charchā masjid-o-mīnār ke andar bhī hai
lā-makāñ shāyad dar-o-dīvār ke andar bhī hai
zaḳhm marham meñ bhī hai talvār ke andar bhī hai
dhuup kā rasta ghane ashjār ke andar bhī hai
maiñ hī ik duniyā pe biitā jā rahā huuñ in dinoñ
jo mire andar hai vo aḳhbār ke andar bhī hai
shahr kī raunaq pe ḳhud ko munkashif kartā huuñ maiñ
merā aadhā jism ab tak ġhaar ke andar bhī hai
maiñ jise dil meñ liye phirtā rahā ab tak 'zahīr'
vo bahut sā dirham-o-dīnār ke andar bhī hai
us ka charcha masjid-o-minar ke andar bhi hai
la-makan shayad dar-o-diwar ke andar bhi hai
zaKHm marham mein bhi hai talwar ke andar bhi hai
dhup ka rasta ghane ashjar ke andar bhi hai
main hi ek duniya pe bita ja raha hun in dinon
jo mere andar hai wo aKHbar ke andar bhi hai
shahr ki raunaq pe KHud ko munkashif karta hun main
mera aadha jism ab tak ghaar ke andar bhi hai
main jise dil mein liye phirta raha ab tak 'zahir'
wo bahut sa dirham-o-dinar ke andar bhi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
