na sulaiman na us mulk se kafir aaya

na sulaimān na us mulk se kāfir aayā

adam-ābād se phir kar na musāfir aayā

gor par mere janāze ko ahibbā laa.e

lillahil-hamd ki manzil pe musāfir aayā

kamar-e-yār kī tasvīr kisī se na khiñchī

ek se ek zamāne meñ musavvir aayā

dī na āñkhoñ meñ utarne kī jagah kyā bā'is

qāfila ḳhūn-e-jigar kā mutavātir aayā

kal mujhe jins-e-fazā.il se ho kyā chashm-e-umīd

aaj tak kaun ḳharīdār-e-javāhir aayā

hañs ke kanghī ke liye baal jo khole us ne

sā'iqa girne lagā abr-e-siyah ghir aayā

ashk ham-rāh na laa.e to huā kyā hāsil

laḳht-e-dil āñkhoñ meñ uTh baiTh ke āḳhir aayā

haath phailā.e huuñ aao to gale se mil luuñ

lījiye vaqt ḳhudā hāfiz-o-nāsir aayā

dhyān us shoḳh kā maiñ kar nahīñ saktā 'kāmil'

raat kis naaz se tā-hajla-e-ḳhātir aayā

na sulaiman na us mulk se kafir aaya

adam-abaad se phir kar na musafir aaya

gor par mere janaze ko ahibba lae

lillahil-hamd ki manzil pe musafir aaya

kamar-e-yar ki taswir kisi se na khinchi

ek se ek zamane mein musawwir aaya

di na aankhon mein utarne ki jagah kya ba'is

qafila KHun-e-jigar ka mutawatir aaya

kal mujhe jins-e-fazail se ho kya chashm-e-umid

aaj tak kaun KHaridar-e-jawahir aaya

hans ke kanghi ke liye baal jo khole us ne

sa'iqa girne laga abr-e-siyah ghir aaya

ashk ham-rah na lae to hua kya hasil

laKHt-e-dil aankhon mein uTh baiTh ke aaKHir aaya

hath phailae hun aao to gale se mil lun

lijiye waqt KHuda hafiz-o-nasir aaya

dhyan us shoKH ka main kar nahin sakta 'kaamil'

raat kis naz se ta-hajla-e-KHatir aaya