malum nahin mujhko kidhar le ke gai hai

mā'lūm nahīñ mujh ko kidhar le ke ga.ī hai

manzil mirī kyuuñ merā safar le ke ga.ī hai

dahlīz pe aa.ī thī vo kashkol uThā.e

qismat mirī gum-gashta nazar le ke ga.ī hai

ik mauj jo sailāb se aa.ī thī achānak

aa.ī thī idhar mujh ko udhar le ke ga.ī hai

vo niiñd darīchoñ se jo lipTī rahī shab bhar

le jaane do vo ḳhvāb agar le ke ga.ī hai

phir tīrgī meñ maiñ ne tirā naam pukārā

paiġhām-e-vafā bād-e-sahar le ke ga.ī hai

āñkhoñ ke darīchoñ pe tire naam kī chilman

phir mujh ko tire 'ishq-nagar le ke ga.ī hai

ye zindagī jab maut kī āġhosh meñ aa.ī

har ḳhāk-basar tishna 'bashar' le ke ga.ī hai

ma'lum nahin mujh ko kidhar le ke gai hai

manzil meri kyun mera safar le ke gai hai

dahliz pe aai thi wo kashkol uThae

qismat meri gum-gashta nazar le ke gai hai

ek mauj jo sailab se aai thi achanak

aai thi idhar mujh ko udhar le ke gai hai

wo nind darichon se jo lipTi rahi shab bhar

le jaane do wo KHwab agar le ke gai hai

phir tirgi mein main ne tera nam pukara

paigham-e-wafa baad-e-sahar le ke gai hai

aankhon ke darichon pe tere nam ki chilman

phir mujh ko tere 'ishq-nagar le ke gai hai

ye zindagi jab maut ki aaghosh mein aai

har KHak-basar tishna 'bashar' le ke gai hai