makka gaya madina gaya karbala gaya

makka gayā madīna gayā karbalā gayā

jaisā gayā thā vaisā hī chal phir ke aa gayā

dekhā ho kuchh us āmad-o-shud meñ to maiñ kahūñ

ḳhud gum huā huuñ baat kī tah ab jo pā gayā

kapḌe gale ke mere na hoñ āb-dīda kyuuñ

mānind-e-abr dīda-e-tar ab to chhā gayā

jāñ-soz aah o naala samajhtā nahīñ huuñ maiñ

yak sho.ala mere dil se uThā thā jalā gayā

vo mujh se bhāgtā hī phirā kibr-o-nāz se

juuñ juuñ niyāz kar ke maiñ us se lagā gayā

jor-e-sip.har-e-dūñ se burā haal thā bahut

maiñ sharm-e-nā-kasī se zamīñ meñ samā gayā

dekhā jo raah jaate tabaḳhtūr ke saath use

phir mujh shikasta-pā se na ik-dam rahā gayā

baiThā to boriye ke ta.iiñ sar pe rakh ke 'mīr'

saf kis adab se ham fuqarā kī uThā gayā

makka gaya madina gaya karbala gaya

jaisa gaya tha waisa hi chal phir ke aa gaya

dekha ho kuchh us aamad-o-shud mein to main kahun

KHud gum hua hun baat ki tah ab jo pa gaya

kapDe gale ke mere na hon aab-dida kyun

manind-e-abr dida-e-tar ab to chha gaya

jaan-soz aah o nala samajhta nahin hun main

yak shoala mere dil se uTha tha jala gaya

wo mujh se bhagta hi phira kibr-o-naz se

jun jun niyaz kar ke main us se laga gaya

jor-e-siphar-e-dun se bura haal tha bahut

main sharm-e-na-kasi se zamin mein sama gaya

dekha jo rah jate tabaKHtur ke sath use

phir mujh shikasta-pa se na ik-dam raha gaya

baiTha to boriye ke tain sar pe rakh ke 'mir'

saf kis adab se hum fuqara ki uTha gaya