majnun ki sachchai kitni sara to afsana hai

majnūñ kī sachchā.ī kitnī saarā to afsāna hai

shohrat jis ko raas aa jaa.e vo kaisā dīvāna hai

mere raqīb sandesa laa.e apne qad kī bulandī par

sarv-qadoñ shamshād-qadoñ meñ un kā ānā-jānā hai

apnā sar vo kaise jhukā.e is sāgar kī chaukhaT par

gangā jī ke taT par yaaro jis jogī kā Thikāna hai

sab yahī samjhe ham bhī koī lafzoñ ke saudāgar haiñ

āñkhoñ ke is jangal meñ bhī kis ne hameñ pahchānā hai

mere saath mirā sūraj hai mere saath mirā saaya

tanhā.ī to un kī dekhūñ jin ke saath zamāna hai

ham se pūchho ye kyā shai hai ham jalne ko aa.e haiñ

is ko tabarruk jaan ke le lo ye ḳhāk-e-parvāna hai

majnun ki sachchai kitni sara to afsana hai

shohrat jis ko ras aa jae wo kaisa diwana hai

mere raqib sandesa lae apne qad ki bulandi par

sarw-qadon shamshad-qadon mein un ka aana-jaana hai

apna sar wo kaise jhukae is sagar ki chaukhaT par

ganga ji ke taT par yaro jis jogi ka Thikana hai

sab yahi samjhe hum bhi koi lafzon ke saudagar hain

aankhon ke is jangal mein bhi kis ne hamein pahchana hai

mere sath mera suraj hai mere sath mera saya

tanhai to un ki dekhun jin ke sath zamana hai

hum se puchho ye kya shai hai hum jalne ko aae hain

is ko tabarruk jaan ke le lo ye KHak-e-parwana hai