majburiyon ka pas bhi kuchh tha wafa ke sath
majbūriyoñ kā paas bhī kuchh thā vafā ke saath
vo rāste se phir gayā kuchh duur aa ke saath
qurb-e-badan se kam na hue dil ke fāsle
ik umr kaT ga.ī kisī nā-āshnā ke saath
saath us ke rah sake na baġhair us ke rah sake
ye rabt hai charāġh kā kaisā havā ke saath
maiñ jheltā rahā huuñ azaab is kā umr bhar
bachpan meñ ek ahd kiyā thā ḳhudā ke saath
pahle to ek ḳhāna-e-vīrāñ kā shor thā
ab dil bhī gūñjtā hai ḳharosh-e-havā ke saath
ye rañg-e-dast-e-nāz yūñhī to nahīñ 'salīm'
dil kā lahū bhī sarf huā hai hinā ke saath
majburiyon ka pas bhi kuchh tha wafa ke sath
wo raste se phir gaya kuchh dur aa ke sath
qurb-e-badan se kam na hue dil ke fasle
ek umr kaT gai kisi na-ashna ke sath
sath us ke rah sake na baghair us ke rah sake
ye rabt hai charagh ka kaisa hawa ke sath
main jhelta raha hun azab is ka umr bhar
bachpan mein ek ahd kiya tha KHuda ke sath
pahle to ek KHana-e-viran ka shor tha
ab dil bhi gunjta hai KHarosh-e-hawa ke sath
ye rang-e-dast-e-naz yunhi to nahin 'salim'
dil ka lahu bhi sarf hua hai hina ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
