ye ghanimat hai ki un aankhon ne pahchana hamein

ye ġhanīmat hai ki un āñkhoñ ne pahchānā hameñ

koī to samjhā dayār-e-ġhair meñ apnā hameñ

vasl meñ tere ḳharābe bhī lageñ ghar kī tarah

aur tere hijr meñ bastī bhī vīrāna hameñ

vo ki jin ke haath meñ taqdīr-e-fasl-e-gul rahī

de gaye sūkhe hue pattoñ kā nazrāna hameñ

sach tumhāre saare kaḌve the magar achchhe lage

phāñs ban kar rah gayā bas ek afsāna hameñ

jin kī ḳhātir kashtiyāñ ham ne jalā Dālīñ tamām

ab vahī kam-mā.egī kā de gaye tā'na hameñ

sunte haiñ qīmat tumhārī lag rahī hai āj-kal

sab se achchhe daam kis ke haiñ ye batlānā hameñ

tā-ki us ḳhush-baḳht tājir ko mubārakbād deñ

aur us ke baa'd dil ko bhī hai samjhānā hameñ

ajnabī logoñ meñ ho tum aur itnī duur ho

ek uljhan sī rahā kartī hai rozāna hameñ

ye ghanimat hai ki un aankhon ne pahchana hamein

koi to samjha dayar-e-ghair mein apna hamein

wasl mein tere KHarabe bhi lagen ghar ki tarah

aur tere hijr mein basti bhi virana hamein

wo ki jin ke hath mein taqdir-e-fasl-e-gul rahi

de gaye sukhe hue patton ka nazrana hamein

sach tumhaare sare kaDwe the magar achchhe lage

phans ban kar rah gaya bas ek afsana hamein

jin ki KHatir kashtiyan hum ne jala Dalin tamam

ab wahi kam-maegi ka de gaye ta'na hamein

sunte hain qimat tumhaari lag rahi hai aaj-kal

sab se achchhe dam kis ke hain ye batlana hamein

ta-ki us KHush-baKHt tajir ko mubarakbaad den

aur us ke ba'd dil ko bhi hai samjhana hamein

ajnabi logon mein ho tum aur itni dur ho

ek uljhan si raha karti hai rozana hamein