kyun kar phirun hun ab bhi tere aas-pas main

kyuuñ kar phirūñ huuñ ab bhī tire ās-pās maiñ

barsoñ rahā huuñ pā ke tujhe bad-havās maiñ

ab chāñd kyā sitāre bhī aate nahīñ nazar

rakkhūñ bhī raushnī kī koī kaise aas maiñ

ḳhushbū bhī ās-pās bhaTaktī nahīñ mire

taktā huuñ ek phuul ko baiThā udaas maiñ

kahne ko tere saath rahā huuñ ai zindagī

lekin tamām 'umr rahā nā-shanās maiñ

saaqī ne mai-kade meñ sabhī jaam bhar diye

mahfil meñ le ke baiThā huuñ ḳhālī gilās maiñ

ab is ko ittifāq kahūñ yā kahūñ nasīb

tū aayā mujh ko aur na kabhī tujh ko raas maiñ

vo to kabhī qarīb huā hī nahīñ 'kabīr'

phirtā rahā huuñ jis ke sadā ās-pās maiñ

kyun kar phirun hun ab bhi tere aas-pas main

barson raha hun pa ke tujhe bad-hawas main

ab chand kya sitare bhi aate nahin nazar

rakkhun bhi raushni ki koi kaise aas main

KHushbu bhi aas-pas bhaTakti nahin mere

takta hun ek phul ko baiTha udas main

kahne ko tere sath raha hun ai zindagi

lekin tamam 'umr raha na-shanas main

saqi ne mai-kade mein sabhi jam bhar diye

mahfil mein le ke baiTha hun KHali gilas main

ab is ko ittifaq kahun ya kahun nasib

tu aaya mujh ko aur na kabhi tujh ko ras main

wo to kabhi qarib hua hi nahin 'kabir'

phirta raha hun jis ke sada aas-pas main