KHuda ki KHudai mein kya kya na dekha

ḳhudā kī ḳhudā.ī meñ kyā kyā na dekhā

magar koī bad-'ahd tum sā na dekhā

jo mujh par guzartī hai maiñ jāntā huuñ

tumheñ kyā ḳhabar tum ne pūchhā na dekhā

javāb-e-ḳhat-e-shauq itnā hī likh do

ki dekhā bhī ḳhat khol kar yā na dekhā

mujhe yuuñ hī dushman samajhne lage tum

na sochā na samjhā na pūchhā na dekhā

vo ḳhat pher dete haiñ ye likh ke ḳhat par

na samjheñ na dekheñ na samjhā na dekhā

baḌe vaa'z vaale baḌe pand vaale

mujhe aa ke vā'iz ne samjhā na dekhā

'qamar' ġhair to ġhair dushman to dushman

musībat meñ apnoñ ko apnā na dekhā

KHuda ki KHudai mein kya kya na dekha

magar koi bad-'ahd tum sa na dekha

jo mujh par guzarti hai main jaanta hun

tumhein kya KHabar tum ne puchha na dekha

jawab-e-KHat-e-shauq itna hi likh do

ki dekha bhi KHat khol kar ya na dekha

mujhe yun hi dushman samajhne lage tum

na socha na samjha na puchha na dekha

wo KHat pher dete hain ye likh ke KHat par

na samjhen na dekhen na samjha na dekha

baDe wa'z wale baDe pand wale

mujhe aa ke wa'iz ne samjha na dekha

'qamar' ghair to ghair dushman to dushman

musibat mein apnon ko apna na dekha