jo tere dar nahin jate
jo tere dar nahīñ jaate
vo kyūñkar mar nahīñ jaate
sabhī jaate haiñ un ke dar
mujhe le kar nahīñ jaate
maiñ pūchhūñ muddatoñ se kyā
ye ghaav bhar nahīñ jaate
bure ġham bhuul jaate haiñ
magar bad-tar nahīñ jaate
bahāreñ lā nahīñ sakte
ye bādal ghar nahīñ jaate
tirī inkār kī 'ādat
hamāre Dar nahīñ jaate
ham aa.e bin-bulā.e vo
bulāne par nahīñ jaate
'usāma' un kī mahfil meñ
uThā kar sar nahīñ jaate
jo tere dar nahin jate
wo kyunkar mar nahin jate
sabhi jate hain un ke dar
mujhe le kar nahin jate
main puchhun muddaton se kya
ye ghaw bhar nahin jate
bure gham bhul jate hain
magar bad-tar nahin jate
bahaaren la nahin sakte
ye baadal ghar nahin jate
teri inkar ki 'adat
hamare Dar nahin jate
hum aae bin-bulae wo
bulane par nahin jate
'usama' un ki mahfil mein
uTha kar sar nahin jate
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
