jine ke un ke sath bahane chale gae

jiine ke un ke saath bahāne chale ga.e

uTh kar ga.e vo yuuñ ki zamāne chale ga.e

ehsās jin ke hone se hone kā thā kabhī

un be-gharoñ ke saare Thikāne chale ga.e

karnā yahāñ pe kyā thā magar kar rahe haiñ kyā

ham kyā kareñ ki apne siyāne chale ga.e

jo paas the to qissa bhī kyā dil-fareb thā

kholī jo ab kitāb fasāne chale ga.e

raunaq to chaar sū hai magar muflisoñ ko kyā

ḳhālī haiñ un kī jebeñ ḳhazāne chale ga.e

taptā hai āftāb to jaltī hai ye zamīñ

mausam bhī un ke saath suhāne chale ga.e

hāsid samajh na liije yūñhī sochtā huuñ maiñ

ab vo na jaane kis ko rijhāne chale ga.e

'abrak' mohabbatoñ meñ na dā've kiyā kareñ

kyuuñ ḳhud na aap un ko manāne chale ga.e

jine ke un ke sath bahane chale gae

uTh kar gae wo yun ki zamane chale gae

ehsas jin ke hone se hone ka tha kabhi

un be-gharon ke sare Thikane chale gae

karna yahan pe kya tha magar kar rahe hain kya

hum kya karen ki apne siyane chale gae

jo pas the to qissa bhi kya dil-fareb tha

kholi jo ab kitab fasane chale gae

raunaq to chaar su hai magar muflison ko kya

KHali hain un ki jeben KHazane chale gae

tapta hai aaftab to jalti hai ye zamin

mausam bhi un ke sath suhane chale gae

hasid samajh na lije yunhi sochta hun main

ab wo na jaane kis ko rijhane chale gae

'abrak' mohabbaton mein na da'we kiya karen

kyun KHud na aap un ko manane chale gae