ja-ba-ja gham kahin KHushiyon ke masail dekhe
jā-ba-jā ġham kahīñ ḳhushiyoñ ke masā.il dekhe
zinda-dil log bhī to maut ke qaa.il dekhe
maiñ bahut ḳhush thī na.e rang ke kapḌe le kar
ro paḌī haath bhī jab baap ke ghā.il dekhe
yaad aayā vo tire dar se mirā lauT aanā
haath phailā.e kahīñ maiñ ne jo saa.il dekhe
thī mohabbat ke hasīñ ḳhvāb kī qaa.il lekin
apnī āñkhoñ meñ ka.ī aur masā.il dekhe
kaun kangan mire hāthoñ meñ sajā.e 'zobī'
kis ko fursat hai ki vo paaoñ meñ pāyal dekhe
ja-ba-ja gham kahin KHushiyon ke masail dekhe
zinda-dil log bhi to maut ke qail dekhe
main bahut KHush thi nae rang ke kapDe le kar
ro paDi hath bhi jab bap ke ghail dekhe
yaad aaya wo tere dar se mera lauT aana
hath phailae kahin main ne jo sail dekhe
thi mohabbat ke hasin KHwab ki qail lekin
apni aankhon mein kai aur masail dekhe
kaun kangan mere hathon mein sajae 'zobi'
kis ko fursat hai ki wo paon mein payal dekhe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
