hasil-e-sham-o-sahar kis ko bataun kya raha

hāsil-e-shām-o-sahar kis ko batā.ūñ kyā rahā

kaun jānegā ki dariyā meñ bhī maiñ pyāsā rahā

koī ġham koī pareshānī na paas aa.ī mire

mere sar par jab talak maañ baap kā saaya rahā

kyā shikāyat manzil-e-maqsūd mil jaane ke baa'd

rahbaroñ kā saath jaisā bhī rahā achchhā rahā

muflisī meñ bhī rahā mahfūz rusvā.ī se maiñ

terī yādoñ ke sahāre 'umr-bhar tanhā rahā

mashġhaloñ meñ bhī hamāre hausle TuuTe nahīñ

āñdhiyoñ meñ bhī charāġh-e-fikr-o-fan jaltā rahā

zindagī kyā chiiz hai 'āzar' samajh paa.e na ham

is mu'amme kā ḳhulāsa ho ke bhī parda rahā

hasil-e-sham-o-sahar kis ko bataun kya raha

kaun jaanega ki dariya mein bhi main pyasa raha

koi gham koi pareshani na pas aai mere

mere sar par jab talak man bap ka saya raha

kya shikayat manzil-e-maqsud mil jaane ke ba'd

rahbaron ka sath jaisa bhi raha achchha raha

muflisi mein bhi raha mahfuz ruswai se main

teri yaadon ke sahaare 'umr-bhar tanha raha

mashghalon mein bhi hamare hausle TuTe nahin

aandhiyon mein bhi charagh-e-fikr-o-fan jalta raha

zindagi kya chiz hai 'azar' samajh pae na hum

is mu'amme ka KHulasa ho ke bhi parda raha