dushman ko samajh aai nahin yar hamari

dushman ko samajh aa.ī nahīñ yaar hamārī

nā-haq kabhī uTThī nahīñ talvār hamārī

pal bhar meñ girā dī ga.ī dīvār hamārī

barsoñ kī riyāzat ga.ī be-kār hamārī

duniyā se laḌe jiit muqaddar huī lekin

phir razm-e-mohabbat meñ huī haar hamārī

jismoñ kī qarābat meñ kahīñ ruuh nahīñ thī

tum the bhī to tanhā.ī thī ġham-ḳhvār hamārī

ham 'ishq ko bhī diin dharam samjhe the lekin

rusvā.ī muqaddar banī har baar hamārī

kuchh is liye bhī bhar gayā dil ham se tumhārā

vāfir thī bahut pyaar kī miqdār hamārī

har shaḳhs uThā kar hameñ rakh detā hai 'faisal'

qīmat hī nahīñ jāntā bāzār hamārī

dushman ko samajh aai nahin yar hamari

na-haq kabhi uTThi nahin talwar hamari

pal bhar mein gira di gai diwar hamari

barson ki riyazat gai be-kar hamari

duniya se laDe jit muqaddar hui lekin

phir razm-e-mohabbat mein hui haar hamari

jismon ki qarabat mein kahin ruh nahin thi

tum the bhi to tanhai thi gham-KHwar hamari

hum 'ishq ko bhi din dharam samjhe the lekin

ruswai muqaddar bani har bar hamari

kuchh is liye bhi bhar gaya dil hum se tumhaara

wafir thi bahut pyar ki miqdar hamari

har shaKHs uTha kar hamein rakh deta hai 'faisal'

qimat hi nahin jaanta bazar hamari