baat aisi nahin us baat pe rona aaya
baat aisī nahīñ us baat pe ronā aayā
ham ko to gardish-e-hālāt pe ronā aaya
bhuul kar bhī nahīñ sochā thā bichhaḌ jā.eñge
āḳhrī un se mulāqāt pe ronā aayā
chhoḌ kar chal diye jis raat vo mujh ko tanhā
yaad kar ke mujhe us raat pe ronā aayā
un kī bātoñ ko sunā ġhaur se mere baare
kyā vo rakhte haiñ ḳhayālāt pe ronā aayā
itnā kam-tar to na thā jitnā samajh baiThe vo
aaj apnī hī mujhe zaat pe ronā aayā
kal talak jo bhī savālāt the tum se 'qaisar'
aaj apne hī savālāt pe ronā aayā
baat aisi nahin us baat pe rona aaya
hum ko to gardish-e-haalat pe rona aaya
bhul kar bhi nahin socha tha bichhaD jaenge
aaKHri un se mulaqat pe rona aaya
chhoD kar chal diye jis raat wo mujh ko tanha
yaad kar ke mujhe us raat pe rona aaya
un ki baaton ko suna ghaur se mere bare
kya wo rakhte hain KHayalat pe rona aaya
itna kam-tar to na tha jitna samajh baiThe wo
aaj apni hi mujhe zat pe rona aaya
kal talak jo bhi sawalat the tum se 'qaisar'
aaj apne hi sawalat pe rona aaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
