tumhaari baat ka meyar kuchh ziyaada hai
tumhārī baat kā me'yār kuchh ziyāda hai
ki is meñ jhuuT kī miqdār kuchh ziyāda hai
ham apnī marzī se pīchhe bhī rah nahīñ paa.e
hamāre chalne kī raftār kuchh ziyāda hai
vo keh rahe haiñ yahī kuchh to us taraf bhī magar
mire hisāb se is paar kuchh ziyāda hai
sabab maiñ ḳhud bhī huuñ apnī shikasta-hālī kā
par is meñ aap kā kirdār kuchh ziyāda hai
hamesha man' usī se kiyā gayā ham ko
vo chiiz jo hameñ darkār kuchh ziyāda hai
tumhaari baat ka me'yar kuchh ziyaada hai
ki is mein jhuT ki miqdar kuchh ziyaada hai
hum apni marzi se pichhe bhi rah nahin pae
hamare chalne ki raftar kuchh ziyaada hai
wo keh rahe hain yahi kuchh to us taraf bhi magar
mere hisab se is par kuchh ziyaada hai
sabab main KHud bhi hun apni shikasta-haali ka
par is mein aap ka kirdar kuchh ziyaada hai
hamesha man' usi se kiya gaya hum ko
wo chiz jo hamein darkar kuchh ziyaada hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
