KHuda-ya kabhi ye na TuTe bharam

ḳhudā-yā kabhī ye na TuuTe bharam

abhī to maiñ ik-dam akelā nahīñ

use jītnā ab to āsān hai

use lag rahā hai vo apnā nahīñ

hue jhūTe sābit to kahte ho ab

ki duniyā meñ koī bhī sachchā nahīñ

mujhe ranj itnā hai tanhā.ī kā

ki ab dastakeñ bhī gavāra nahīñ

tumheñ khone kā kyuuñ na afsos ho

tumheñ to kabhī āzmāyā nahīñ

yahāñ rusvā hone se tum mat Daro

yahāñ par koī bhī tumhārā nahīñ

vahī rang āñkhoñ meñ mahfūz thā

jo tasvīr meñ ham ne rakkhā nahīñ

use bhūlnā yuuñ hī āsān thā

use chhoḌ kar kuchh bhī sochā nahīñ

KHuda-ya kabhi ye na TuTe bharam

abhi to main ik-dam akela nahin

use jitna ab to aasan hai

use lag raha hai wo apna nahin

hue jhuTe sabit to kahte ho ab

ki duniya mein koi bhi sachcha nahin

mujhe ranj itna hai tanhai ka

ki ab dastaken bhi gawara nahin

tumhein khone ka kyun na afsos ho

tumhein to kabhi aazmaya nahin

yahan ruswa hone se tum mat Daro

yahan par koi bhi tumhaara nahin

wahi rang aankhon mein mahfuz tha

jo taswir mein hum ne rakkha nahin

use bhulna yun hi aasan tha

use chhoD kar kuchh bhi socha nahin