kuTiya mein kaun aaega is tirgi ke sath
kuTiyā meñ kaun aa.egā is tīrgī ke saath
ab ye kivāḌ band karo ḳhāmushī ke saath
saaya hai kam khajūr ke ūñche daraḳht kā
ummīd bāñdhiye na baḌe aadmī ke saath
chalte haiñ bach ke shaiḳh-o-barahman ke saa.e se
apnā yahī amal hai bure aadmī ke saath
shā.istagān-e-shahr mujhe ḳhvāh kuchh kaheñ
saḌkoñ kā husn hai mirī āvārgī ke saath
shā.ir hikāyateñ na sunā vasl o ishq kī
itnā baḌā mazāq na kar shā.irī ke saath
likhtā hai ġham kī baat masarrat ke mood meñ
maḳhsūs hai ye tarz faqat 'kaif' hī ke saath
kuTiya mein kaun aaega is tirgi ke sath
ab ye kiwaD band karo KHamushi ke sath
saya hai kam khajur ke unche daraKHt ka
ummid bandhiye na baDe aadmi ke sath
chalte hain bach ke shaiKH-o-barahman ke sae se
apna yahi amal hai bure aadmi ke sath
shaistagan-e-shahr mujhe KHwah kuchh kahen
saDkon ka husn hai meri aawargi ke sath
shair hikayaten na suna wasl o ishq ki
itna baDa mazaq na kar shairi ke sath
likhta hai gham ki baat masarrat ke mood mein
maKHsus hai ye tarz faqat 'kaif' hi ke sath
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
