jis ko gharaz hai nam se aur aawaze se
jis ko ġharaz hai naam se aur āvāze se
us kā Thikānā bāhar hai darvāze se
tum ne yaqīn se hoñToñ ko siinā sīkhā
ham ne koī baat to kī andāze se
nā-qadrī ne sarīr-e-qalam ko tez kiyā
ye nashsha to aur chaḌhā ḳhamiyāze se
qafas ke bāhar piile patte uḌte haiñ
yaaro do ik phuul dikhāo taaze se
'sayyad' tere kufr se diiñ kamzor huā
ek varaq to nikal gayā shīrāze se
jis ko gharaz hai nam se aur aawaze se
us ka Thikana bahar hai darwaze se
tum ne yaqin se honTon ko sina sikha
hum ne koi baat to ki andaze se
na-qadri ne sarir-e-qalam ko tez kiya
ye nashsha to aur chaDha KHamiyaze se
qafas ke bahar pile patte uDte hain
yaro do ek phul dikhao taze se
'sayyad' tere kufr se din kamzor hua
ek waraq to nikal gaya shiraaze se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
