kuchh yaqin sa guman sa kuchh hai

kuchh yaqīñ sā gumān sā kuchh hai

jo bhī hai merī jaan sā kuchh hai

fāsle ḳhatm ho ga.e lekin

phir bhī ik darmiyān sā kuchh hai

ham yahīñ par qayām karte haiñ

is khañDar meñ makān sā kuchh hai

haath meñ hai mahār-e-nāqa-e-ḳhāk

sar pe ik sā.ebān sā kuchh hai

dasht jaañ meñ vo ḳhaak uḌātā huā

ab bhī ik kārvān sā kuchh hai

khul ga.e us kī nusratoñ ke alam

vo havā meñ nishān sā kuchh hai

dekh neze kī is bulandī par

ye koī āsmān sā kuchh hai

ret par vo paḌī hai mushk koī

tiir bhī aur kamān sā kuchh hai

dekh andāz-e-be-zabānī-e-gul

apnā tarz-e-bayān sā kuchh hai

chal ke us kī galī meñ dekhte haiñ

shor āshuftagān sā kuchh hai

kuchh yaqin sa guman sa kuchh hai

jo bhi hai meri jaan sa kuchh hai

fasle KHatm ho gae lekin

phir bhi ek darmiyan sa kuchh hai

hum yahin par qayam karte hain

is khanDar mein makan sa kuchh hai

hath mein hai mahaar-e-naqa-e-KHak

sar pe ek saeban sa kuchh hai

dasht jaan mein wo KHak uData hua

ab bhi ek karwan sa kuchh hai

khul gae us ki nusraton ke alam

wo hawa mein nishan sa kuchh hai

dekh neze ki is bulandi par

ye koi aasman sa kuchh hai

ret par wo paDi hai mushk koi

tir bhi aur kaman sa kuchh hai

dekh andaz-e-be-zabani-e-gul

apna tarz-e-bayan sa kuchh hai

chal ke us ki gali mein dekhte hain

shor aashuftagan sa kuchh hai