bhige paron se uDne ki KHwahish tamam-shud

bhīge paroñ se uḌne kī ḳhvāhish tamām-shud

yuuñ hausloñ kī ho ga.ī koshish tamām-shud

jalte badan pe haath masīhā ne jab rakhā

yak-laḳht ho ga.ī mirī sozish tamām shud

uThtā dhuāñ to sho'le lapakte bhī har taraf

pal meñ ḳhudā bhī kartā hai ātish tamām-shud

mat kar gila kisī kā pas-e-pusht tū kabhī

rab par yaqīn rakh ki ho sāzish tamām-shud

ham saarī 'umr jiite haiñ apne mizāj se

piirī meñ aa ke hotī hai laġhzish tamām-shud

'az.har' ne niiñd kho ke kahī hai na.ī ġhazal

ahl-e-suḳhan ko bhā ga.ī kāvish tamām-shud

bhige paron se uDne ki KHwahish tamam-shud

yun hauslon ki ho gai koshish tamam-shud

jalte badan pe hath masiha ne jab rakha

yak-laKHt ho gai meri sozish tamam shud

uThta dhuan to sho'le lapakte bhi har taraf

pal mein KHuda bhi karta hai aatish tamam-shud

mat kar gila kisi ka pas-e-pusht tu kabhi

rab par yaqin rakh ki ho sazish tamam-shud

hum sari 'umr jite hain apne mizaj se

piri mein aa ke hoti hai laghzish tamam-shud

'azhar' ne nind kho ke kahi hai nai ghazal

ahl-e-suKHan ko bha gai kawish tamam-shud