kisi ke hath kahan ye KHazana aata hai

kisī ke haath kahāñ ye ḳhazāna aatā hai

mire aziiz ko har ik bahāna aatā hai

zarā sā mil ke dikhāo ki aise milte haiñ

bahut patā hai tumheñ chhoḌ jaanā aatā hai

sitāre dekh ke jalte haiñ āñkheñ malte haiñ

ik aadmī liye sham-e-fasāna aatā hai

abhī jazīre pe ham tum na.e na.e to haiñ dost

Daro nahīñ mujhe sab kuchh banānā aatā hai

yahāñ charāġh se aage charāġh jaltā nahīñ

faqat gharāne ke pīchhe gharānā aatā hai

ye baat chaltī hai sīna-ba-sīna chaltī hai

vo saath aatā hai shāna-ba-shāna aatā hai

gulāb cinema se pahle chāñd baaġh ke ba.ad

utar paḌūñgā jahāñ kārḳhāna aatā hai

ye kah ke us ne semester break kar Daalā

sunā thā aap ko likhnā likhānā aatā hai

zamāne ho ga.e dariyā to kah gayā thā mujhe

bas ek mauj ko kar ke ravāna aatā hai

chhalak na jaa.e mirā rañj merī āñkhoñ se

tumheñ to apnī ḳhushī ko chhupānā aanā hai

vo roz bhar ke ḳhalā.ī jahāz uḌāte phireñ

hameñ bhī raj ke tamasḳhur uḌānā aatā hai

pachās miil hai ḳhushkī se bahriya-town

bas ek ghanTe meñ achchhā zamāna aatā hai

break-dance sikhāyā hai naav ne dil ko

havā kā giit samundar ko gaanā aatā hai

mujhe defence kī lingua-franca na.iiñ aatī

tumheñ to sadr kā qaumī tarāna aatā hai

mujhe to ḳhair zamīñ kī zabāñ nahīñ aatī

tumheñ mirrīḳh kā qaumī tarāna aatā hai

kisi ke hath kahan ye KHazana aata hai

mere aziz ko har ek bahana aata hai

zara sa mil ke dikhao ki aise milte hain

bahut pata hai tumhein chhoD jaana aata hai

sitare dekh ke jalte hain aankhen malte hain

ek aadmi liye sham-e-fasana aata hai

abhi jazire pe hum tum nae nae to hain dost

Daro nahin mujhe sab kuchh banana aata hai

yahan charagh se aage charagh jalta nahin

faqat gharane ke pichhe gharana aata hai

ye baat chalti hai sina-ba-sina chalti hai

wo sath aata hai shana-ba-shana aata hai

gulab cinema se pahle chand bagh ke baad

utar paDunga jahan karKHana aata hai

ye kah ke us ne semester break kar Dala

suna tha aap ko likhna likhana aata hai

zamane ho gae dariya to kah gaya tha mujhe

bas ek mauj ko kar ke rawana aata hai

chhalak na jae mera ranj meri aankhon se

tumhein to apni KHushi ko chhupana aana hai

wo roz bhar ke KHalai jahaz uDate phiren

hamein bhi raj ke tamasKHur uDana aata hai

pachas mil hai KHushki se bahriya-town

bas ek ghanTe mein achchha zamana aata hai

break-dance sikhaya hai naw ne dil ko

hawa ka git samundar ko gana aata hai

mujhe defence ki lingua-franca nain aati

tumhein to sadr ka qaumi tarana aata hai

mujhe to KHair zamin ki zaban nahin aati

tumhein mirriKH ka qaumi tarana aata hai