kis tarah waqif hon haal-e-ashiq-e-jaan-baz se
kis tarah vāqif hoñ hāl-e-āshiq-e-jāñ-bāz se
un ko fursat hī nahīñ hai kārobār-e-nāz se
mere dard-e-dil se goyā āshnā haiñ chob-o-tār
apne naale sun rahā huuñ parda-hā-e-sāz se
zarra zarra hai yahāñ ik katba-e-sirr-alast
aap hī vāqif nahīñ haiñ rasm-e-ḳhatt-e-rāz se
dil ga.e īmāñ ga.e aqleñ ga.iiñ jāneñ ga.iiñ
tum ne kyā kyā kar dikhāyā ik nigāh-e-nāz se
aah! kal tak vo navāzish! aaj itnī be-ruḳhī
kuchh to nisbat chāhiye anjām ko āġhāz se
kis tarah waqif hon haal-e-ashiq-e-jaan-baz se
un ko fursat hi nahin hai karobar-e-naz se
mere dard-e-dil se goya aashna hain chob-o-tar
apne nale sun raha hun parda-ha-e-saz se
zarra zarra hai yahan ek katba-e-sirr-alast
aap hi waqif nahin hain rasm-e-KHatt-e-raaz se
dil gae iman gae aqlen gain jaanen gain
tum ne kya kya kar dikhaya ek nigah-e-naz se
aah! kal tak wo nawazish! aaj itni be-ruKHi
kuchh to nisbat chahiye anjam ko aaghaz se
- Book : Intekhabe Kalam (Pg. 64)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
