kis ko mehrban kahiye kaun mehrban apna

kis ko mehrbāñ kahiye kaun mehrbāñ apnā

vaqt kī ye bāteñ haiñ vaqt ab kahāñ apnā

ab jahāñ meñ baaqī hai aah se nishāñ apnā

uḌ ga.e dhueñ apne rah gayā dhuāñ apnā

ai ḳhudā gila sun le apnī be-niyāzī kā

aaj haal kahtā hai ek be-zabāñ apnā

so ke raat kaaTī hai be-kasī ke pahlū meñ

chāñdnī ne dekhā hai mere ghar samāñ apnā

ghar to ab bhī duniyā ke dhuup hī meñ bante haiñ

kyuuñ uThā nahīñ letā saaya āsmāñ apnā

ham safar ke qisse ko ḳhatm kar ke chalte haiñ

rāsta badaltī hai apnī dāstāñ apnā

nā-murād duniyā meñ rah ke ḳhuub bhar paa.e

chal nikal chaleñ ai dil kuchh nahīñ yahāñ apnā

jānte hue 'nātiq' ham-vatan kī hālat ko

DhūñDte phireñ jā kar kis liye makāñ apnā

kis ko mehrban kahiye kaun mehrban apna

waqt ki ye baaten hain waqt ab kahan apna

ab jahan mein baqi hai aah se nishan apna

uD gae dhuen apne rah gaya dhuan apna

ai KHuda gila sun le apni be-niyazi ka

aaj haal kahta hai ek be-zaban apna

so ke raat kaTi hai be-kasi ke pahlu mein

chandni ne dekha hai mere ghar saman apna

ghar to ab bhi duniya ke dhup hi mein bante hain

kyun uTha nahin leta saya aasman apna

hum safar ke qisse ko KHatm kar ke chalte hain

rasta badalti hai apni dastan apna

na-murad duniya mein rah ke KHub bhar pae

chal nikal chalen ai dil kuchh nahin yahan apna

jaante hue 'natiq' ham-watan ki haalat ko

DhunDte phiren ja kar kis liye makan apna