nai rawish ke rawadar ban nahin pae

na.ī ravish ke ravādār ban nahīñ paa.e

haiñ nukta-chīñ jo ḳhatā-kār ban nahīñ paa.e

dil-o-zabāñ rahe aapas meñ muttafiq yā'nī

ham aise log adākār ban nahīñ paa.e

ḳhudā banā.e unheñ zeb-o-zīnat-e-firdaus

vo gul jo zīnat-e-gulzār ban nahīñ paa.e

ḳhafā haiñ ham se bahut rah-ravān-e-shauq ki ham

kisī ke raah kī dīvār ban nahīñ paa.e

nai rawish ke rawadar ban nahin pae

hain nukta-chin jo KHata-kar ban nahin pae

dil-o-zaban rahe aapas mein muttafiq ya'ni

hum aise log adakar ban nahin pae

KHuda banae unhen zeb-o-zinat-e-firdaus

wo gul jo zinat-e-gulzar ban nahin pae

KHafa hain hum se bahut rah-rawan-e-shauq ki hum

kisi ke rah ki diwar ban nahin pae