wo apni zid pe aDa rahega hum apni zid pe aDe rahenge

vo apnī zid pe aḌā rahegā ham apnī zid pe aḌe raheñge

to 'ain mumkin hai mas.ale jo khaḌe hue the khaḌe raheñge

o bevaqūfo tum apne panjoñ ke bal pe kab tak khaḌe rahoge

ḳhudā ne jin ko baḌā banāyā vo tā-qayāmat baḌe raheñge

ye phuul jis din javān hoñge to dekh lenā ye būḌhe maalī

phir in kā gulshan pe haq na hogā bas ek jānib paḌe raheñge

ham āsmānoñ se aage jaane kā ḳhvāb le kar nikal paḌe haiñ

hameñ pata hai hamārī rāhoñ meñ imtihāñ ab kaḌe raheñge

mirī nazar se utarne vaalo misāl de kar batā rahā huuñ

jo phuul shāḳhoñ se jhaḌ chuke haiñ vo ab hamesha jhaḌe raheñge

ye dushmanoñ ke nahīñ haiñ 'kāshif' ye tiir saare haiñ dostoñ ke

inheñ badan se nikāl bhī duuñ ye tab bhī dil meñ jaḌe raheñge

wo apni zid pe aDa rahega hum apni zid pe aDe rahenge

to 'ain mumkin hai masale jo khaDe hue the khaDe rahenge

o bewaqufo tum apne panjon ke bal pe kab tak khaDe rahoge

KHuda ne jin ko baDa banaya wo ta-qayamat baDe rahenge

ye phul jis din jawan honge to dekh lena ye buDhe mali

phir in ka gulshan pe haq na hoga bas ek jaanib paDe rahenge

hum aasmanon se aage jaane ka KHwab le kar nikal paDe hain

hamein pata hai hamari rahon mein imtihan ab kaDe rahenge

meri nazar se utarne walo misal de kar bata raha hun

jo phul shaKHon se jhaD chuke hain wo ab hamesha jhaDe rahenge

ye dushmanon ke nahin hain 'kashif' ye tir sare hain doston ke

inhen badan se nikal bhi dun ye tab bhi dil mein jaDe rahenge