nind ruThi hai kuchh aisi ki manane se rahe
niiñd rūThī hai kuchh aisī ki manāne se rahe
duur ham ḳhvāb kī ḳhush-bū ke ḳhazāne se rahe
apne purkhoñ kī rivāyāt ko bhūle hue log
rāste kā koī patthar bhī haTāne se rahe
laakh chāhā pa zamāna kabhī apnā na huā
is liye ham bhī ḳhafā saare zamāne se rahe
kyuuñ tabī'at meñ ye sanjīdgī aa.ī āḳhir
kyā kahā jaa.e ki kyuuñ hañsne hañsāne se rahe
vaqt ne aise nazar-band kiyā hai sab ko
koī aane se rahā ham kahīñ jaane se rahe
nind ruThi hai kuchh aisi ki manane se rahe
dur hum KHwab ki KHush-bu ke KHazane se rahe
apne purkhon ki riwayat ko bhule hue log
raste ka koi patthar bhi haTane se rahe
lakh chaha pa zamana kabhi apna na hua
is liye hum bhi KHafa sare zamane se rahe
kyun tabi'at mein ye sanjidgi aai aaKHir
kya kaha jae ki kyun hansne hansane se rahe
waqt ne aise nazar-band kiya hai sab ko
koi aane se raha hum kahin jaane se rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
