nam tumhaara likhte likhte kaghaz par

naam tumhārā likhte likhte kāġhaz par

ban jaate haiñ naqsh sunahre kāġhaz par

manzar manzar 'aks tumhārā bikhrā hai

tum hī tum ho rang-birange kāġhaz par

dil par aisā bojh hai terī yādoñ kā

jaise koī patthar rakh de kāġhaz par

ik būḌhī 'aurat kā photo dekhā hai

duniyā bhar kā dard sameTe kāġhaz par

kāġhaz kāġhaz chuum rahā huuñ āñkhoñ se

likkhe haiñ kuchh paak sahīfe kāġhaz par

haa.el hai dīvār jahāñ kī rāhoñ meñ

milne ke haiñ laakh tarīqe kāġhaz par

dekh ke 'muztar' ghar meñ bachche rote haiñ

miTTī ke nāyāb khilaune kāġhaz par

nam tumhaara likhte likhte kaghaz par

ban jate hain naqsh sunahre kaghaz par

manzar manzar 'aks tumhaara bikhra hai

tum hi tum ho rang-birange kaghaz par

dil par aisa bojh hai teri yaadon ka

jaise koi patthar rakh de kaghaz par

ek buDhi 'aurat ka photo dekha hai

duniya bhar ka dard sameTe kaghaz par

kaghaz kaghaz chum raha hun aankhon se

likkhe hain kuchh pak sahife kaghaz par

hael hai diwar jahan ki rahon mein

milne ke hain lakh tariqe kaghaz par

dekh ke 'muztar' ghar mein bachche rote hain

miTTi ke nayab khilaune kaghaz par