KHabar jo ab talak pahunchi nahin hai

ḳhabar jo ab talak pahuñchī nahīñ hai

hamāre vāste achchhī nahīñ hai

badan maidān meñ haarā huā hai

abhī himmat magar haarī nahīñ hai

use ham 'ishq samjheñ yā na samjheñ

hameñ vo ab talak bhūlī nahīñ hai

kisī kā ho to jaatā par mirī jaañ

tabī'at hai ki jo maanī nahīñ hai

mire mahbūb ke jaisī hai bārish

bulāne par kabhī aa.ī nahīñ hai

hamāre ḳhvāb jo TuuTe hue haiñ

hamārī niiñd jo puurī nahīñ hai

tirā chehra hai āñkhoñ meñ abhī tak

ki pichhlī raat kī utrī nahīñ hai

manā.ūñgā to shāyad maan jaa.e

abhī vo is qadar rūThī nahīñ hai

mohabbat ghar to aa.ī hai hamāre

magar haañ der tak Thahrī nahīñ hai

KHabar jo ab talak pahunchi nahin hai

hamare waste achchhi nahin hai

badan maidan mein haara hua hai

abhi himmat magar haari nahin hai

use hum 'ishq samjhen ya na samjhen

hamein wo ab talak bhuli nahin hai

kisi ka ho to jata par meri jaan

tabi'at hai ki jo mani nahin hai

mere mahbub ke jaisi hai barish

bulane par kabhi aai nahin hai

hamare KHwab jo TuTe hue hain

hamari nind jo puri nahin hai

tera chehra hai aankhon mein abhi tak

ki pichhli raat ki utri nahin hai

manaunga to shayad man jae

abhi wo is qadar ruThi nahin hai

mohabbat ghar to aai hai hamare

magar han der tak Thahri nahin hai