ek nai shakl mere zehn mein ban aai hai
ik na.ī shakl mire zehn meñ ban aa.ī hai
tere TuuTe hue lafzoñ meñ vo gahrā.ī hai
ye tirī chashm-e-sahīfa ye mirā kāfir dil
ab bhī donoñ meñ 'ajab sūrat-e-yakjā.ī hai
dil jo kahtā hai ki tā'bīr bhī hogī koī
ye mire TuuTe hue ḳhvāb kī paspā.ī hai
us ke bāloñ meñ kisī aur kī pony hogī
taar par oḌhnī jis phuul ne phailā.ī hai
mere naġhmoñ meñ kabhī terī tapish ghul na sakī
ye tire ubhre hue phūloñ kī rusvā.ī hai
ye jo ik peḌ hai ik dhuup meñ murjhātā huā
us meñ poshīda kisī 'aks kī tanhā.ī hai
merī āvāz meñ pinhāñ hai mirī ḳhāmoshī
aur mire jhuuT meñ shāmil mirī sachchā.ī hai
ek nai shakl mere zehn mein ban aai hai
tere TuTe hue lafzon mein wo gahrai hai
ye teri chashm-e-sahifa ye mera kafir dil
ab bhi donon mein 'ajab surat-e-yakjai hai
dil jo kahta hai ki ta'bir bhi hogi koi
ye mere TuTe hue KHwab ki paspai hai
us ke baalon mein kisi aur ki pony hogi
tar par oDhni jis phul ne phailai hai
mere naghmon mein kabhi teri tapish ghul na saki
ye tere ubhre hue phulon ki ruswai hai
ye jo ek peD hai ek dhup mein murjhata hua
us mein poshida kisi 'aks ki tanhai hai
meri aawaz mein pinhan hai meri KHamoshi
aur mere jhuT mein shamil meri sachchai hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
