har zaKHm hi har ek ko dikhaya nahin jata
har zaḳhm hī har ik ko dikhāyā nahīñ jaatā
dil aise sar-e-'ām luTāyā nahīñ jaatā
jo ḳhvāb ki āñkhoñ se chhalakne pe tulā ho
vo ḳhvāb kabhī dil meñ chhupāyā nahīñ jaatā
jis meñ na ho ehsās vo lahja hai bhalā kyā
aise kisī lahje meñ samāyā nahīñ jaatā
jaane kā irāda ho to phir jaanā hī behtar
yuuñ khīñch ke har ik ko biThāyā nahīñ jaatā
jis dil pe na utreñ kabhī ilhām ke saa.e
us dil meñ mohabbat ko basāyā nahīñ jaatā
har zaKHm hi har ek ko dikhaya nahin jata
dil aise sar-e-'am luTaya nahin jata
jo KHwab ki aankhon se chhalakne pe tula ho
wo KHwab kabhi dil mein chhupaya nahin jata
jis mein na ho ehsas wo lahja hai bhala kya
aise kisi lahje mein samaya nahin jata
jaane ka irada ho to phir jaana hi behtar
yun khinch ke har ek ko biThaya nahin jata
jis dil pe na utren kabhi ilham ke sae
us dil mein mohabbat ko basaya nahin jata
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
