dil se ek KHwahish-e-betab laga deta hai
dil se ik ḳhvāhish-e-betāb lagā detā hai
phir vo pābandī-e-ādāb lagā detā hai
lafz-e-be-saut huuñ lekin tirā kātib lahja
mere atrāf meñ e'rāb lagā detā hai
pahle kahtā hai ki aflāk se aage dekhūñ
phir kahīñ biich meñ mahtāb lagā detā hai
har vo ilzām jo dushman na lagā.e mujh par
vo mirā halqa-e-ahbāb lagā detā hai
raat detā hai thake din ko thapakne ke liye
phir ta'āqub meñ koī ḳhvāb lagā detā hai
dil se ek KHwahish-e-betab laga deta hai
phir wo pabandi-e-adab laga deta hai
lafz-e-be-saut hun lekin tera katib lahja
mere atraf mein e'rab laga deta hai
pahle kahta hai ki aflak se aage dekhun
phir kahin bich mein mahtab laga deta hai
har wo ilzam jo dushman na lagae mujh par
wo mera halqa-e-ahbab laga deta hai
raat deta hai thake din ko thapakne ke liye
phir ta'aqub mein koi KHwab laga deta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
