ab aise tarane se mujhe kaam nahin hai
ab aise tarāne se mujhe kaam nahīñ hai
jo jazba-e-bedār kā paiġhām nahīñ hai
uThTho ki hai sargarm-e-'amal saarā zamāna
ai ḳhvāb-zado sone kā hangām nahīñ hai
kis vaqt tirī yaad se mad.hosh nahīñ maiñ
kis vaqt mire lab pe tirā naam nahīñ hai
girdāb meñ maujoñ ke jo khāte the thapeḌe
un ke liye sāhil pe to ārām nahīñ hai
is tarh subuksāroñ kā badlā hai zamāna
ab sej pe phūloñ kī bhī ārām nahīñ hai
'hindī' thī kabhī mujh se ḳharābāt kī raunaq
ab mere liye durd-e-tah-e-jām nahīñ hai
ab aise tarane se mujhe kaam nahin hai
jo jazba-e-bedar ka paigham nahin hai
uThTho ki hai sargarm-e-'amal sara zamana
ai KHwab-zado sone ka hangam nahin hai
kis waqt teri yaad se madhosh nahin main
kis waqt mere lab pe tera nam nahin hai
girdab mein maujon ke jo khate the thapeDe
un ke liye sahil pe to aaram nahin hai
is tarh subuksaron ka badla hai zamana
ab sej pe phulon ki bhi aaram nahin hai
'hindi' thi kabhi mujh se KHarabaat ki raunaq
ab mere liye durd-e-tah-e-jam nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
