aap itne bhi mujhse dur nahin

aap itne bhī mujh se duur nahīñ

haañ sirhāne pe bas zarūr nahīñ

aañkh meñ haañ liye khaḌe the ham

taav meñ keh diyā huzūr nahīñ

us ko bas husn se mohabbat hai

aur koī use ġhurūr nahīñ

terī ammī bhī maan jā.eñgī

yā'nī dillī ziyāda duur nahīñ

āñgan ik sāz-e-nai se jhuum uThā

is meñ kuchh 'ishq kā futūr nahīñ

'mīr' ne rāste meñ chhoḌī thī

'ḳhvāb' jī ab ġhazal bhī duur nahīñ

aap itne bhi mujh se dur nahin

han sirhane pe bas zarur nahin

aankh mein han liye khaDe the hum

taw mein keh diya huzur nahin

us ko bas husn se mohabbat hai

aur koi use ghurur nahin

teri ammi bhi man jaengi

ya'ni dilli ziyaada dur nahin

aangan ek saz-e-nai se jhum uTha

is mein kuchh 'ishq ka futur nahin

'mir' ne raste mein chhoDi thi

'KHwab' ji ab ghazal bhi dur nahin