KHwahish-e-jada-e-rahat se nikalta kaise

ḳhvāhish-e-jāda-e-rāhat se nikaltā kaise

dil mirā kū-e-malāmat se nikaltā kaise

sāya-e-vahm-o-gumāñ chaar taraf phailā hai

maiñ abhī karb-o-aziyyat se nikaltā kaise

merī rusvā.ī agar saath na detī merā

yuuñ sar-e-bazm maiñ izzat se nikaltā kaise

merī nazreñ jo na paḌtīñ to vahāñ pichhlī shab

ik sitārā sā tirī chhat se nikaltā kaise

maiñ ki barbād huā diid kī ḳhātir jis kī

vo mire dīda-e-hairat se nikaltā kaise

us ke dam hī se to qaa.em hai mirā jāh-o-jalāl

vo mire dil kī hukūmat se nikaltā kaise

jaag baiThā huuñ to dil Duubā nahīñ hai 'aḳhtar'

soyā rahtā to musībat se nikaltā kaise

KHwahish-e-jada-e-rahat se nikalta kaise

dil mera ku-e-malamat se nikalta kaise

saya-e-wahm-o-guman chaar taraf phaila hai

main abhi karb-o-aziyyat se nikalta kaise

meri ruswai agar sath na deti mera

yun sar-e-bazm main izzat se nikalta kaise

meri nazren jo na paDtin to wahan pichhli shab

ek sitara sa teri chhat se nikalta kaise

main ki barbaad hua did ki KHatir jis ki

wo mere dida-e-hairat se nikalta kaise

us ke dam hi se to qaem hai mera jah-o-jalal

wo mere dil ki hukumat se nikalta kaise

jag baiTha hun to dil Duba nahin hai 'aKHtar'

soya rahta to musibat se nikalta kaise