KHub naseh ki nasihat ka natija nikla

ḳhuub nāseh kī nasīhat kā natīja niklā

ham ne ashkoñ ko sambhālā to kaleja niklā

tere rindoñ ko jalātī rahī sahrāoñ kī dhuup

kitnā be-faiz tirī zulfoñ kā saaya niklā

iid kā chāñd jo dekhā to tamannā lipTī

un se taqrīb-e-mulāqāt kā rishta niklā

haif ki phuul haiñ muhtāj-e-nasīm-o-shabnam

marhabā chiir ke patthar ko jo sabza niklā

aahaT aahaT pe gumāñ guzre hai vo aa pahuñche

dil-e-nādāñ ke bahalne kā tarīqa niklā

dāman-e-dost ne bosoñ se navāzā 'rahmat'

mujh se behtar mire ashkoñ kā nasība niklā

KHub naseh ki nasihat ka natija nikla

hum ne ashkon ko sambhaala to kaleja nikla

tere rindon ko jalati rahi sahraon ki dhup

kitna be-faiz teri zulfon ka saya nikla

id ka chand jo dekha to tamanna lipTi

un se taqrib-e-mulaqat ka rishta nikla

haif ki phul hain muhtaj-e-nasim-o-shabnam

marhaba chir ke patthar ko jo sabza nikla

aahaT aahaT pe guman guzre hai wo aa pahunche

dil-e-nadan ke bahalne ka tariqa nikla

daman-e-dost ne boson se nawaza 'rahmat'

mujh se behtar mere ashkon ka nasiba nikla