zindagi dekh na ab itni bhi hairani se
zindagī dekh na ab itnī bhī hairānī se
maiñ nikal aayā mohabbat kī pareshānī se
ḳharch kartā huuñ maiñ gin gin ke ḳhushī ke lamhāt
kahāñ miltī hai ḳhushī itnī farāvānī se
maiñ to bahne lagā hālāt ke dariyāoñ meñ
ai samundar maiñ Darā kab tirī tuġhyānī se
kyuuñ na āġhāz-e-mohabbat se palaT aayā maiñ
adh-muā ho gayā dil halkī pashemānī se
yuuñ tavajjoh na mujhe de mire dil-dār ki maiñ
mar bhī saktā huuñ mohabbat kī farāvānī se
jab se chūmā hai 'bilāl' us ne mire māthe ko
nuur jaarī hai mirī surma.ī peshānī se
zindagi dekh na ab itni bhi hairani se
main nikal aaya mohabbat ki pareshani se
KHarch karta hun main gin gin ke KHushi ke lamhat
kahan milti hai KHushi itni farawani se
main to bahne laga haalat ke dariyaon mein
ai samundar main Dara kab teri tughyani se
kyun na aaghaz-e-mohabbat se palaT aaya main
adh-mua ho gaya dil halki pashemani se
yun tawajjoh na mujhe de mere dil-dar ki main
mar bhi sakta hun mohabbat ki farawani se
jab se chuma hai 'bilal' us ne mere mathe ko
nur jari hai meri surmai peshani se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
