KHushi se jashn-e-bahaaran manaya karte the

ḳhushī se jashn-e-bahārāñ manāyā karte the

kabhī to ham bhī patangeñ uḌāyā karte the

havā-e-tark-e-ta'alluq to ab chalī hai miyāñ

purāne log ta'alluq nibhāyā karte the

diloñ meñ jhūTī anā pāltā nahīñ thā koī

jo rūThtā use jā kar manāyā karte the

sabhī kī hāñDiyāñ sāñjhī thiiñ puurī bastī meñ

jahāñ pe bhuuk lagī khānā khāyā karte the

koī jab aatā to hañs kar gale lagāte ham

kisī ke jaane pe aañsū bahāyā karte the

jo chhoTe the vo buzurgoñ se jhuk ke milte the

baḌe bhī chhoToñ ke naḳhre uThāyā karte the

KHushi se jashn-e-bahaaran manaya karte the

kabhi to hum bhi patangen uDaya karte the

hawa-e-tark-e-ta'alluq to ab chali hai miyan

purane log ta'alluq nibhaya karte the

dilon mein jhuTi ana palta nahin tha koi

jo ruThta use ja kar manaya karte the

sabhi ki hanDiyan sanjhi thin puri basti mein

jahan pe bhuk lagi khana khaya karte the

koi jab aata to hans kar gale lagate hum

kisi ke jaane pe aansu bahaya karte the

jo chhoTe the wo buzurgon se jhuk ke milte the

baDe bhi chhoTon ke naKHre uThaya karte the