jahan-e-shauq mein sarmaya-e-KHushi kya hai

jahān-e-shauq meñ sarmāya-e-ḳhushī kyā hai

jo tere saath na guzre to zindagī kyā hai

sar-e-niyāz jhukāne se kuchh nahīñ hotā

ḳhulūs-e-dil na ho shāmil to bandagī kyā hai

na chheḌ qaisar-o-kisrā ke tazkire mujh se

faqīr-e-mast ke aage shahanshahī kyā hai

banā liyā unheñ sālār-e-qāfila ham ne

jinheñ ye 'ilm nahīñ hai ki rahbarī kyā hai

laqab hai 'nūr' hamārā ye faḳhr hai ham ko

hamāre sāmne auqāt-e-tīrgī kyā hai

jahan-e-shauq mein sarmaya-e-KHushi kya hai

jo tere sath na guzre to zindagi kya hai

sar-e-niyaz jhukane se kuchh nahin hota

KHulus-e-dil na ho shamil to bandagi kya hai

na chheD qaisar-o-kisra ke tazkire mujh se

faqir-e-mast ke aage shahanshahi kya hai

bana liya unhen salar-e-qafila hum ne

jinhen ye 'ilm nahin hai ki rahbari kya hai

laqab hai 'nur' hamara ye faKHr hai hum ko

hamare samne auqat-e-tirgi kya hai