hum log teri KHushiyon mein shamil to honge dost
ham log terī ḳhushiyoñ meñ shāmil to hoñge dost
zāhir hai ġham bhī biich meñ haa.il to hoñge dost
vaise bhī sirf aag lagāne kī baat hai
das biis log shahr meñ jāhil to hoñge dost
ujle libās pahne hue ḳhūb-rū badan
in ke bhī merī tarh masā.il to hoñge dost
is shahr-e-nā-murād meñ kuchh bhī nahīñ to kyā
do chaar log pyaar ke qābil to hoñge dost
mere baloch bhaa.ī palaT kar na aa sake
iġhvā karāne vāloñ ke bhī dil to hoñge dost
hum log teri KHushiyon mein shamil to honge dost
zahir hai gham bhi bich mein hail to honge dost
waise bhi sirf aag lagane ki baat hai
das bis log shahr mein jahil to honge dost
ujle libas pahne hue KHub-ru badan
in ke bhi meri tarh masail to honge dost
is shahr-e-na-murad mein kuchh bhi nahin to kya
do chaar log pyar ke qabil to honge dost
mere baloch bhai palaT kar na aa sake
ighwa karane walon ke bhi dil to honge dost
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
