KHush hun ki mera husn-e-talab kaam to aaya
ḳhush huuñ ki mirā husn-e-talab kaam to aayā
ḳhālī hī sahī merī taraf jaam to aayā
kaafī hai mire dil kī tasallī ko yahī baat
aap aa na sake aap kā paiġhām to aayā
apnoñ ne nazar pherī to dil tū ne diyā saath
duniyā meñ koī dost mire kaam to aayā
vo sub.h kā ehsās ho yā merī kashish ho
Duubā huā ḳhurshīd lab-e-bām to aayā
log un se ye kahte haiñ ki kitne haiñ 'shakīl' aap
us husn ke sadqe meñ mirā naam to aayā
KHush hun ki mera husn-e-talab kaam to aaya
KHali hi sahi meri taraf jam to aaya
kafi hai mere dil ki tasalli ko yahi baat
aap aa na sake aap ka paigham to aaya
apnon ne nazar pheri to dil tu ne diya sath
duniya mein koi dost mere kaam to aaya
wo subh ka ehsas ho ya meri kashish ho
Duba hua KHurshid lab-e-baam to aaya
log un se ye kahte hain ki kitne hain 'shakil' aap
us husn ke sadqe mein mera nam to aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
